لازنيا كدابه
كوبين دقيق
كوبين حليب
بيضه
ملح وفلفل
معلقة كبيرة خل
للحشو
نص كيلولحمه معصجة
كوبين صلصه
كوب جزر مبشور
ملح وفلفل
رشة بهارات سبعه
رشه حبهان بودر
للصوص
لتر ونص حليب
علبه قشطه
٦معالق كبار دقيق
٥معالق سمنه الهانم
مكعب مرقة
للوجه كوبين جبنه موتزريلا وشيدر
الطريقة
في الخلاط نخلط الدقيق والحليب والبيضه والملح والفلفل والخل كويس
نترك العجينه ترتاح ١٠دقايق
وفي طاسه كبيره ندهنها زيت خفيف ونصب مغرفه
ونفردها في الطاسه ولما تستوي من ناحيه نقلبها الناحيه التانيه
ونكرر لغايه مانخلص المقدار
في صينيه عالنار هاحط اللحمه المعصجه والطماطم المتسبكةوالتوابل والجزر ونسيبهم يغلوا مع بعض كويس اهم حاجه يكون في صوص حتي تتشربه رقائق اللازانيا
نعمل صوص البشاميل
نحط السمنه مع الدقيق في حله عالنار ولما يستوي الدقيق من غير مايلون نحط الحليب علي ٣مرات مع التقليب المستمر واضافه القشطه ومرقه الدجاج والملح والفلفل حتي نحصل عالقوام المطلوب
نحضر صينيه مدوره نحط مغرفتين كبار بشاميل وواحده
لازانيا وطبقه من العصاج وطبقه من اللازانيا وطبقة عصاج وهكذا حتي الانتهاء من الكميه
نضع باقي البشاميل
وندخل الصينيه الفرن حتي تبدأ تغلي وتلون نضيف الجبنه عشان تسيح وتاخد لون دهبي وتقدم بالهنا والشفا
