بسكويت التمر
المقادير :
3 كوب دقيق
2 ملعقة كبيرة نشا
كوب سمنة بدرجة حرارة المطبخ
نصف كوب سكر بودرة
ملعقة صغيرة بيكينج بودر
بيضة بدرجة حرارة المطبخ
ملعقة صغيرة فانيليا سائلة
رشة ملح
للحشو :
نصف كيلو عجوة
3 ملعقة كبيرة زبدة
الطريقة :
1- في بولة انزل السكر والسمنة واخلطهم بالمضرب الكهربائي 4دقايق كاملين لغاية مالقوام يبقا ابيض وكريمي ويعلي انزل البيضة والفانيليا واخلط كويس اوي لغاية متختلط مع باقي المكونات .
2- في بولة انزل الدقيق يكون منخول ومتعدد الاستخدامات واشيل منو معلقتين كبار احطهم نشا وانزل البيكينج بودر والملح واقلبهم كويس اوي وانزلهم علي المكونات السائلة واعجن كويس لغاية متتكون في ايدي عجينة اغطيها واسبها ترتاح نص ساعة في التلاجة .
3- اخرجها افردها بين كيسين سندوتشات رفيع بسمك 3 مم وافرد العجوة بعد معجنتها بالزبدة بين كيسين سندوتشات بنفس سمك عجينة البسكوت واقطع شرائح اخد الشريحة واحطها كحشو والف عليها العجينة واقطع واقسمها قطع بالسكينة وفي صنية مدهونة زيت ارصهم واعملهم شكل من فوق بالشوكة .
4- واقطع شريحة تانيوو من العجوة والف عليها العجين واقطع اللفة علي قد العجوة واول متقابل العجينة بعضها اقطع عشان يكون شكلة زي اللي برة ممكن كمان تساوي الاطراف عشان يكون الشكل حلو لو مش متساوية واخلص بنفس الطريقة .
5- بعد مخلص كل الكمية ادخلة فرن حامي علي 160 علي الرف الوسطاني لغاية ميستوي وخرجة اقدمة .
