احسن اسكالوب بانيه ممكن تعمليه والبانيه مش هايقع في الزيت تاني والطعم عالمي 👇👇👇 #محمد_ابراهيم
الوصفه :-اسكالوب بانيه
المقادير
وش فخده لحمه من
مكونات التتبيله :-
ماء بصل
معلقه كبيرة زيت -معلقه كبيرة زبادي -معلقه كبيرة خل -فلفل اسود -ملح
مكونات الطبقه التانيه :-
٣كوب بقسماط -كوب دقيق -٢بيض -نص كوب لبن -ملح
زيت القلي
الطريقه :- 👌👌👌👌👌👌👌👌
اول حاجه هانعملها هي اختيارنا لقطعه اللحمه وهي وش فخده متقطع شرائح وبعدين هانجيب كيس تلاجه وتفتحه عشان نفرد قطع اللحمه وهانفردها (هاندقها )بشكل دائري بمط أو شاكوش المطبخ وهي جوة الكيس يعني هانخلي الكيس من فوق وتحت عشان اللحم ما يتقطعش مننا وبعدين نعمل التتبيله والموضوع سهل جدا هانجيب بصله حمراء ونبشورها وناخد المياه بتاعتها ونضيف عليها معلقه زيت ومعلقه زبادي و معلقه خل وفلفل اسود وملح ويسلام لو سبنا اللحمه شويه في التتبيلة عشان يبقه طعمها حلو وتبقه طريه جدا بعد كده هانروح علي الخطوة التانيه وهي البقسماط واللي بيقع في الزيت من ناس كتير وعشان ما ينزلش في الزيت اول حاجه هانعملها أننا نحط شرائح اللحمه في دقيق ونقلبها كويس وبعدين نجهز بوله فيها لبن وبيض وشويه ملح وفلفل ونقلبهم كويس وبعدين ننزل باللحمه بعد ما نطلعها من الدقيق ونقلبها كويس بعد كده في البقسماط وممكن عشان البقسماط يبقه طعمه حلو نحط ويبقه زي الفيجيتار نحط عليه كيس مرقه بودر أو رشه ملح وفلفل وبعدين ندق الاسكالوب في قلب البقسماط عشان يمسك كويس وكمان ممكن نحطه في التلاجه ساعه مثلا او نجهزة من قبلها بيوم ونحفظه في التلاجه وممكن نشيله في طبق مليان بقسماط في الفريزر لفترة. وبعدين نروح عند التسويه لازم الزيت يكون سخن عشان ما يشربش زيت وكمان نغطسه في قلب الزيت وبعد شويه نقلبه بعد ما يطلع من الزيت عايزيين الاسكالوب يبقه طعمه مميز هانجيب طاسه صغيرة ونحط فيها معلقه زبدة اول ما تسيح هانحط عود روز مارى وبعدين ننزل بالزبدة علي الاسكالوب أو البانيه تنفع كل الخطوات مع الفراخ بانيه بردو وبالف هنا وشفا #محمد_ابراهيم #كل_يوم_جديد
#والسلام_ختام
